Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.54 ↑

EUR 67.68 ↓

29 июнь, Кесе йома

Уфа   °

Мәҙәниәт

Башҡорт сатиригы Марсель Сәлимовтың мәҫәлдәре Мәскәүҙә поляк телендә донъя күрҙе

Мәскәүҙә рус һәм поляк телдәрендә «Берега огня и воды» китап-билингва донъя күрҙе. Был йыйынтыҡҡа башҡорт сатиригы Марсель Сәлимовтың совет осоронда яҙылған һәм рус теленә билдәле Өфө шағиры-сатиригы Михаил Воловик тәржемәләгән ҡыҫҡа мәҫәлдәре тупланған.

Мәҙәниәт

Ҡурай оҫтаһы, «башҡорт Страдиварийы» Вәкил Шөғәйепов арабыҙҙан китте

Башҡортостан мәҙәниәте ауыр юғалтыу кисерҙе. 81-се йәшендә күренекле музыка ҡоралдары оҫтаһы, Башҡортостандың атҡаҙанған сәнғәт эшмәкәре, «Рәсәй рухы» премияһы эйәһе Вәкил Шөғәйепов вафат булды.

Мәҙәниәт

Рөстәм Хәмитов Ҡырымда «Рәсәйгә ант биреп» фестивален уҙғарыу тураһындағы указға ҡул ҡуйҙы

Башҡортостан Башлығы Рөстәм Хәмитов Ҡырымда «Рәсәйгә ант биреп» төбәк-ара фестивален уҙғарыу тураһындағы указға ҡул ҡуйҙы. Республика халыҡтары ассамблеяһы башланғысы буйынса 7-8 июлдә ике республиканың артистары ҡатнашлығында «Рәсәйгә ант биреп» фестивале ойошторола.

Мәҙәниәт

Төбәктә рыцарҙар һәм уҡсылар «Ваҡыт йылғаһы» тарихи реконструкция фестиваленә йыйыла

Башҡортостанда II «Ваҡыт йылғаһы» тарихи реконструкция фестивале уҙғарыла. Ҙур сара 30 июндә — 1 июлдә Ағиҙел йылғаһы буйында, Бөрөнән алыҫ түгел Силантьево ауылы эргәһендә ойошторола.

Мәҙәниәт

Республиканың «Салауат» балалар бейеү академияһы Сочиҙа халыҡ-ара еңеү яуланы

Башҡорт дәүләт филармонияһы ҡарамағындағы «Салауат» балалар бейеү академияһы Сочиҙа балалар һәм үҫмерҙәр ижадының XXIII «Ижади Олимпта» халыҡ-ара фестиваль-конкурсында тәүге урындарҙы яуланы.

Мәҙәниәт

Баш ҡалала «Мираҫ» галереяһы рәссамдарының йәйге күргәҙмәһе үтә

6 июндән 31 авгусҡа ҡәҙәр «Мираҫ» галереяһында ошо һынлы сәнғәт йорто рәссамдарының күргәҙмәһе үтә. Экспозицияла һынлы сәнғәт, графика, скульптура тәҡдим ителгән. Галереяға килеүселәр Рәсих Әхмәтвәлиев, Айрат Тереғолов, Рәис Ғайытов, Вәсил Ханнанов, Ринат Харисов, Сергей Игнатенко, Михаил Назаров һәм башҡа билдәле рәссамдарҙың ижады менән таныша ала.

Мәҙәниәт

Рөстәм Хәмитов һәм Алмазбәк Атамбаев Археология һәм этнография музейында булды

Башҡортостан Башлығы Рөстәм Хәмитов һәм Рәсәйгә дәүләт сәфәре менән килгән Ҡырғыҙ Республикаһы Президенты Алмазбәк Атамбаев Раил Кузеев исемендәге Этнологик тикшеренеүҙәр институтының Археология һәм этнография музейында булды.

Мәҙәниәт

27 пункттан торған Башҡорттоң кодексы донъя күрҙе

Учалы районында Башҡорттоң кодексын әҙерләп, баҫтырып сығарғандар. Өс битлек китапта башҡорт милләтле кеше эйә булырға тейешле 27 сифат һанап үтелгән. Документты Башҡорт дәүләт университетының Учалы факультеты деканы, философия фәндәре кандидаты, доцент, Учалылағы Башҡорт ҡоролтайы рәйесе Зилә Рәхмәтуллина төҙөгән.

Мәҙәниәт

Өфөлә Ҡырғыҙстан мәҙәниәте көндәре барышында сәнғәт оҫталары республиканың үҙенсәлекле мәҙәниәтен күрһәтте

Башҡортостандың баш ҡалаһында Ҡырғыҙстан мәҙәниәте көндәре бара. Сара Ҡырғыҙстан делегацияһының Рәсәйгә сәфәре программаһының бер өлөшө булды. Кисә иртән «Родина» кинотеатрында яңы ҡырғыҙ фильмдары күрһәтелде.

Мәҙәниәт

Владивостоктағы һабантуйға башҡорт ҡурайы һәм ҡумыҙы йәм өҫтәйәсәк

Владивостоктағы һабантуйға башҡорт ҡурайы һәм ҡумыҙы йәм өҫтәйәсәк. Башҡорт дәүләт филармонияһы солисы, виртуоз ҡумыҙсы Миңлеғәфүр Зәйнетдинов һәм Ауырғазы районы ҡурайсыһы Фәһим Ғайсин Приморьеның баш ҡалаһына яҙғы баҫыу эштәренең тамамланыуы байрамына бара.

Мәҙәниәт

Өфөлә опера миҙгеле «Ынйы эҙләүселәр» премьераһы менән тамамланды

Өфөлә Башҡорт опера һәм балет театрының 79-сы миҙгеле Ж. Бизеның «Ынйы эҙләүселәр» операһы менән ябылды. Музыка, сағыу декорациялар һәм костюмдар буйынса иң матур операның премьераһы аншлаг менән үтте.

Мәҙәниәт

Өфөлә «Нур» татар театры юбилей миҙгелен легендар «Башмағым» спектакле менән тамамлай

Өфөлә «Нур» татар театры юбилей миҙгелен легендар «Башмағым» спектакле менән тамамлай. 25-се миҙгел 29 июндә тамамлана. Тажи Ғиззәттең либреттаһы буйынса Йәүҙәт Фәйзиҙең «Башмағым» спектакле тамашасы өсөн юбилей бүләгенә әйләнде.

Мәҙәниәт

«Йәшлек моңо» башҡорт эстрада йырҙарын башҡарыусылар конкурсы ғаризалар ҡабул итә

«Йәшлек моңо – 2017» башҡорт эстрада йырҙарын башҡарыусылар төбәк-ара конкурсы ғаризалар ҡабул итә. Конкурс 30 июндән 1 июлгә ҡәҙәр Илеш районының Үрге Йәрмәкәй ауылында «Башҡорт йәштәре дуҫтарын йыя» йәштәр мәғариф форумы сиктәрендә уҙғарыла.

Мәҙәниәт

Өфөлә Хәтер һәм ҡайғы көнөндә «Помните ли вы нас?» фильмының премьераһы үтә

22 июндә, Хәтер һәм ҡайғы көнөндә, Республика Хәрби Дан музейында «Помните ли вы нас?» документаль фильмының премьераһы үтә. Режиссер Вилүрә Иҫәндәүләтованың «Башҡортостан» киностудияһының «Помните ли вы нас?» документаль фильмы Бөйөк Ватан һуғышындағы Еңеүгә арналған.

Мәҙәниәт

Ҡырғыҙстан мәҙәниәте көндәре барышында Өфөлә ҡырғыҙ киноһын ҡарарға мөмкин

Ҡырғыҙстан мәҙәниәте көндәре барышында Өфөлә ҡырғыҙ киноһын, концерттарын һәм биҙәү-ҡулланма сәнғәте күргәҙмәһен ҡарарға мөмкин. Башҡортостан Мәҙәниәт министрлығының матбуғат хеҙмәте хәбәр итеүенсә, сараны асыу тантанаһы 22 июндә «Башҡортостан» дәүләт концерт залында уҙа.

Мәҙәниәт

Башҡортостанда «Ҡош юлы» бард фестивале еңеүсеһе бүләккә гитара алды

Башҡортостанда «Ҡош юлы» башҡорт бард фестивалле үтте. Алты йыл эсендә тәүге тапҡыр ул үҙенең урынын алмаштырҙы: фестиваль Ейәнсура районынан Әбйәлилгә күсте. Башҡорт ҡоролтайының Башҡарма комитеты белгесе Искәндәр Нурғәлин хәбәр итеүенсә, фестивалдең Гран-прийына Асҡарҙан 30 йәшлек Ренат Абдулов лайыҡ булды.

Мәҙәниәт

Өфө балеринаһы Рәсәйҙең Ҙур театры сәхнәһендә Халыҡ-ара балет конкурсында еңеү яуланы

Мәскәүҙә халыҡ-ара абруйлы бәйгегә – XIII Халыҡ-ара балет һәм хореограф артистары конкурсына йомғаҡ яһалды. Башҡорт опера һәм балет театры солисы, 24 йәшлек Лилиә Зәйнәғәбдинова өсөнсө премия лауреаты булды.

Мәҙәниәт

Өфөлә Булат Йосопов яңы проектҡа – «Беренсе Республика» тарихи фильмына тотондо

Өфөлә режиссер Булат Йосопов яңы проектҡа – «Беренсе Республика» тарихи фильмына тотондо. Тарихи драма Башҡортостандың 100 йыллығын байрам итеүгә арналған һәм республикаға тәүге нигеҙ ташын һалыусылар хаҡында бәйән итә.

Мәҙәниәт

Эрик Муке: «Өфөлә Фольклориада амбассадоры булырға һәм уның тураһында бөтә «Deep Forest» концерттарында һөйләргә әҙермен»

Үҙенсәлекле world music стиленә нигеҙ һалыусы, популяр «Deep Forest» төркөмө музыканты Эрик Мукеның Башҡортостанға сәфәре тамамланды. Башҡорт музыка мәҙәниәте менән танышыр өсөн килгән легендар музыкант республиканан китер алдынан журналистарға сәфәр менән тулыһынса ҡәнәғәт һәм Өфөлә 2020 йылда уҙасаҡ Бөтә донъя фольклориадаһына әҙерләнеүҙә ҡатнашырға әҙер булыуын хәбәр итте.

Мәҙәниәт

Өфөлә билдәле башҡорт геологы Басир Мәһәҙиев хаҡында «Тауҙарым минең» исемле китап донъя күрҙе

Өфөлә «Китап» нәшриәтендә билдәле башҡорт геологы Басир Мәһәҙиевҡа арналған «Тауҙарым минең» исемле китап донъя күрҙе. Китаптың төҙөүсеһе — уның тол ҡатыны Сәүиә Мәһәҙиева.

Мәҙәниәт

Башҡортостан юлдаш телевидениеһының тапшырыуҙарын Ҡытайҙа күрһәтәсәктәр

Башҡортостан юлдаш телевидениеһының тапшырыуҙарын Ҡытайҙа күрһәтәсәктәр. Ҡытайҙа «Башҡортостан» медиахолдингы менән Аньхой телекомпанияһы араһында тейешле килешеүгә ҡул ҡуйылды.

Мәҙәниәт

Октябрьский ҡалаһы «Распахнись, душа казачья!» III төбәк-ара фестиваленә саҡыра

Октябрьский ҡалаһында 23-24 июндә «Распахнись, душа казачья!» III төбәк-ара казак мәҙәниәте фестивале үтә. Был турала «Башинформ» агентлығына ҡала хакимиәтенең матбуғат хеҙмәтендә хәбәр иттеләр.

Мәҙәниәт

Мәскәүҙә Башҡортостандың халыҡ рәссамы Рифҡәт Арыҫлановтың «Отражение» исемле күргәҙмәһе асылды

Мәскәүҙә Рәсәй Рәссамдар союзының күргәҙмә залында Заһир Исмәғилев исемендәге Өфө дәүләт сәнғәт академияһы профессоры, Башҡортостандың халыҡ рәссамы Рифҡәт Арыҫлановтың «Отражение» исемле күргәҙмәһе асылды.

Мәҙәниәт

Өфөлә Башҡортостан юлдаш телевидениеһының «Байыҡ» балалар конкурсы финалсыларҙы билдәләне

Башҡортостан юлдаш телевидениеһының «Байыҡ» балалар бейеү конкурсының гала-концертына тиклем айҙан аҙыраҡ ваҡыт ҡалды. Өфөлә ҙур һайлап алыу туры уҙҙы: Башҡортостандың 30 районынан һәм 14 ҡалаһынан һәләтле ҡатнашыусылар 200-ҙән ашыу номер тәҡдим итте.

Мәҙәниәт

Башҡортостан композиторы Төрки донъяһының ижади йортонда тәүге ҡунаҡтарҙың береһе булды

Йәш композитор һәм тележурналист, Башҡортостандың Композиторҙар союзы ағзаһы Виринея Лихачева (Белоусова) төрки донъяһы композиторҙарының Халыҡ-ара ижади осрашыу-лабораторияһында ҡатнашты.

Мәҙәниәт

Республикала Курорт һабантуйы көрәш, бишбармаҡ һәм ҡобайыр кеүек милли брендтар менән таныштырҙы

Башҡортостанда Яҡтыкүл буйында Курорт һабантуйы уҙҙы. Заманса форматтағы һабан байрамы сарала ҡатнашыусыларға тағы ла бер ҡат милли башҡорт брендтары: билбау көрәше, бишбармаҡ менән һыйлау, башҡорт батырҙары хөрмәтенә ҡобайырҙар тураһында иҫкә төшөрҙө.

Мәҙәниәт

Башҡорт драма театры Мәскәүҙең Щепкин исемендәге театр училищеһына һәләтле йәштәрҙе йыя

М. Ғафури исемендәге Башҡорт академия драма театры Мәскәүҙең М.С. Щепкин исемендәге театр училищеһында «Актерлыҡ сәнғәте» һөнәре буйынса уҡыу өсөн конкурс иғлан итте.

Мәҙәниәт

Урал аръяғында ямғырҙар арҡаһында «Ҡош юлы» бард йыры фестивале икенсе урынға күсте

Башҡортостанда ямғырҙар арҡаһында «Ҡош юлы» бард йыры фестивален уҙғарыу урыны алмашынды. Хәтерегеҙгә төшөрәбеҙ, фестиваль 16-18 июндә тәүге тапҡыр Әбйәлил районында үтә, алдан сара бер нисә йыл дауамында Ейәнсура районында уҙғарылды.

Мәҙәниәт

Өфөлә «Евразия йөрәге» фестиваленең тәүге Симфоник төнө ямғырҙан башланып китте

Өфө амфитеатрында «Евразия йөрәге» халыҡ-ара сәнғәт фестиваленең тәүге Симфоник төнө үтте. Сара башланыр алдынан көслө ямғыр яуып уҙҙы. Асыҡ һауалағы концерттар өсөн ҡаланың төп майҙансығында дирижер Линар Дәүләтбаев етәкселегендә Йәштәр симфоник оркестры уйнаны.

Мәҙәниәт

Танылған татар йырсыһы, сығышы менән Башҡортостандан булған Әлфиә Афзалова донъя ҡуйҙы

Уҙған төндә танылған татар йырсыһы, сығышы менән Башҡортостандан булған Әлфиә Афзалова арабыҙҙан китте. Йырсы 84 йәшендә инсульттан һуң вафат булды. Әлфиә Афзалова — Рәсәйҙең атҡаҙанған артисы, Татарстандың халыҡ артисы, Татарстан Республикаһының Туҡай исемендәге дәүләт премияһы лауреаты, Хеҙмәт Ҡыҙыл Байраҡ һәм Халыҡтар дуҫлығы ордендары кавалеры, «Татар эстрадаһы легендаһы» почетлы призына эйә.

Мәҙәниәт

Өфөлә үҙ ғүмеренә ҡул һалыусылар хаҡында спектакль әҙерләйҙәр

Өфөлә М. Кәрим исемендәге Милли йәштәр театрының рус труппаһы Николай Эрдмандың пьесаһы буйынса «Үҙ-үҙен үлтереүсе» спектакленең репетицияларына тотондо. Премьера ноябрҙең тәүге яртыһына билдәләнгән.

Мәҙәниәт

Илдар Абдразаҡов Парижда оҫталыҡ дәресе үткәрә

Бөтә донъяға билдәле бас, яҡташыбыҙ Илдар Абдразаҡов Парижда академик вокал буйынса оҫталыҡ дәрестәре уҙғара. 14, 15 һәм 17 июндә йырсы Париж операһы ҡарамағындағы Йәш йырсылар академияһында үҙенең оҫталыҡ серҙәре менән уртаҡлаша.

Мәҙәниәт

15 июндә Өфөлә асыҡ һауала «Евразия йөрәге» фестивале асыла

15 июндә Өфөлә «Евразия йөрәге» халыҡ-ара сәнғәт фестивале асыла. Фестивалдең асыҡ һауалағы программаһы Өфө амфитеатрында 18 июнгәсә бара. Хәтерегеҙгә төшөрәбеҙ, алдан республиканың Мәҙәниәт министрлығы насар һауа шарттары менән бәйле фестивалдең ваҡытын күсереү хаҡында ҡарар ҡабул иткәйне.

Мәҙәниәт

«Аҡ тирмә» ансамбле «Садко» халыҡ-ара халыҡ сәнғәте һәм һөнәрҙәр фестивалендә Башҡортостан исеменән сығыш яһаны

Мәскәүҙәге «Аҡ тирмә» башҡорт милли-мәҙәни үҙәгенең фольклор төркөмө Түбәнге Новгородта «Садко» фестивалендә Башҡортостан исеменән сығыш яһаны. XVI «Садко» халыҡ-ара халыҡ сәнғәте һәм һөнәрҙәр фестиваленә сит илдәрҙән һәм Рәсәйҙән колективтар йыйылды.

Мәҙәниәт

Баш ҡалала «Евразия йөрәге» фестивалендә легендар «Карауанһарай» төркөмөнөң тәүге составы сығыш яһай

Өфөлә «Евразия йөрәге» фестивалендә легендар «Карауанһарай» фольклор-эстрада төркөмөнөң беренсе, иң популяр составы сығыш яһай. Артур Туҡтағолов, Рәсүл Ҡарабулатов, Вилдан Яруллин, Әмир Тойғонов һәм Мәхмүт Нәҙершин составындағы легендар төркөмдөң сығышын фестивалдең һуңғы көнөндә, 18 июндә, Өфө амфитеатрында «Ufa-Kuraifest» концертында ҡарарға мөмкин.

Мәҙәниәт

«Китап» нәшриәте «Ҡыҙыл майҙан» фестивалендә өс дипломға лайыҡ булды

Зәйнәб Биишева исемендәге «Китап» нәшриәтенең эшмәкәрлеге «Ҡыҙыл майҙан» фестивалендә лайыҡлы баһа алды. «Китап» нәшриәте өс диплом яуланы. Рәсәй китап нәшер итеүселәре ассоциацияһына «Иң яҡшы йыл китабы»на тәҡдим ителгән Сергей Аксаковтың «Ал сәскә» китабы мәҙәни мираҫты популярлаштырғаны өсөн Рәсәй Китап союзының дипломын алды.

Мәҙәниәт

«Евразия йөрәге» халыҡ-ара сәнғәт фестивале бөтә донъяға күрһәтеләсәк

«Евразия йөрәге» халыҡ-ара сәнғәт фестивале бөтә донъяға күрһәтеләсәк. Көн һайын 15 июндән 18-нә ҡәҙәр онлайн-трансляция сараның рәсми сайты аша бойомға ашырыласаҡ. Был хаҡта «Башинформ» агентлығындағы матбуғат конференцияһында йыл һайын ойошторолған фестивалдең директоры Айҙар Зөбәйҙуллин белдерҙе.

Мәҙәниәт

Башҡортостанда тәүгә «Һомай» милли кейем асыҡ республика фестиваль-конкурсы уҙҙы

Башҡортостанда «Һомай» милли кейем асыҡ республика фестиваль-конкурсы уҙҙы. Сара Мәсетле районында «Берҙәмлек» халыҡ-ара милли мәҙәниәттәр фестивале барышында асыҡ һауала ойошторолдо.

Мәҙәниәт

Өфөлә «Рәсәй – минең тарихым» тарихи паркы асылды

Рәсәй көнө хөрмәтенә Өфөлә «ВДНХ-Экспо» күргәҙмәләр комплексында «Рәсәй – минең тарихым» тигән тарихи паркты асыу тантанаһы үтте. Башҡортостан Рәсәйҙең баш ҡалаһынан һуң ошондай ҙур мультмедиалы музей ойошторолған тәүге төбәк булды.

Мәҙәниәт

«Башҡорт йәштәре дуҫтарын йыя» асыҡ форумын уҙғарыу урыны билдәле булды

Быйыл «Башҡорт йәштәре дуҫтарын йыя» асыҡ форумын республиканың Илеш районы ҡабул итә. 30 июндән алып 2 июлгә тиклем үтәсәк йыйынға Башҡортостандың һәм күрше төбәктәрҙең йәштәре саҡырылған.

Мәҙәниәт

«Рәсәй – минең тарихым!» тарихи паркы Өфө биләмәһендә яңы туристик үҙәк буласаҡ

«Рәсәй – минең тарихым!» тарихи паркы Өфө биләмәһендә яңы туристик үҙәк буласаҡ», — тип белдерҙе «Арт-Өфө» мәҙәни-мәғариф үҙәге» коммерцияға ҡарамаған автономиялы ойошмаһы директоры Евгений Маврин «Башинформ» агентлығында үткән матбуғат конференцияһында.

Мәҙәниәт

Башҡортостанда ҡумыҙсылар һәм өзләүселәр конкурсы еңеүсеһенә көмөш ҡумыҙ бүләк иттеләр

Башҡортостандың Мәсетле районында Төбәк-ара ҡумыҙсылар һәм өзләүселәр конкурсы уҙҙы. Гран-приға Өфөнән Заһир Зәйнетдинов лайыҡ булды. Конкурсҡа нигеҙ һалған һәм уның иҫтәлегенә бағышланған Роберт Заһретдиновтың ҡыҙы ла үҙенең призын булдырған.

Мәҙәниәт

Илшат Ғәйнуллиндың «Жизнь с переводом» исемле китабы донъя күрҙе

Мәскәү нәшриәт йортонда Өфө журналисы Илшат Ғәйнуллиндың икенсе китабы сыҡты. Автор «КоммерсантЪ» нәшриәт йортоноң Илья Амладов псевдонимы аҫтында эшләүсе гәзит хәбәрсеһе булараҡ билдәле.

Мәҙәниәт

Баш ҡалала «Туғанлыҡ» фестивале жюрийын билдәле Рәсәй актеры Евгений Князев етәкләйәсәк

VI «Туғанлыҡ» халыҡ-ара төрки телле театрҙар фестивале жюрийын танылған театр, кино һәм телевидение актеры, театр педагогы, Борис Щукин исемендәге Театр институты ректоры, Рәсәйҙең халыҡ артисы Евгений Князев етәкләйәсәк (

Мәҙәниәт

Башҡортостандың йәш бейеүселәре Мәскәүҙә бөтә донъя олимпиадаһында лайыҡлы сығыш яһаны

Мәскәүҙә бөтә донъя бейеү олимпиадаһы тамамланды, унда Башҡортостан исеменән Туймазы ҡалаһының «Феникс» бейеү мәктәбенең йәш тәрбиәләнеүселәре лайыҡлы сығыш яһаны.

Мәҙәниәт

Балетмейстер, Нуриев фестиваленең абруйлы президенты Юрий Григорович Рәсәйҙең Дәүләт премияһы лауреаты булды

Хәҙерге замандың атаҡлы балетмейстеры, Ҙур театрҙың балет труппаһы етәксеһе Юрий Григорович мәҙәниәт өлкәһендә Рәсәй Федерацияһының Дәүләт премияһы лауреаты булды.

Мәҙәниәт

Өфөлә VI «Туғанлыҡ» халыҡ-ара театр фестиваленең тулы программаһы билдәле булды

VI «Туғанлыҡ» халыҡ-ара төрки телле театрҙар фестиваленең тулы программаһы билдәле булды. Фестиваль 2017 йылдың 7-14 сентябрендә Өфөлә уҙа. Аҙна буйына биш майҙансыҡта 14 спектакль күрһәтеү ҡаралған.

Мәҙәниәт

Башҡорт драма театры Ҡазандағы «Науруз» фестивалендә донъя шаулатҡан «Антигона» спектаклен күрһәтә

Ҡазанда Төрки халыҡтарының XIII «Науруз» халыҡ-ара театр фестивале асылды. Кесаҙна, 8 июндә, М. Ғафури исемендәге Башҡорт академия драма театры «Антигона» спектаклен тәҡдим итә.

Мәҙәниәт

Башҡортостанда Фольклориаданы юғары кимәлдә үткәрербеҙ – Рөстәм Хәмитов

Башҡортостан Башлығы Рөстәм Хәмитов 2016 йылда Мексикала уҙған Бөтә донъя фольклориадаһына арналған фотокүргәҙмәлә булды. Экспозицияла халыҡ-ара фольклор байрамының төрлө майҙансыҡтарында төшөрөлгән һәм донъя илдәренең ижади коллективтарын һынландырған фотолар тәҡдим ителгән.

Мәҙәниәт

Өфөлә «Рәсәй – минең тарихым» тарихи паркын ойоштороу буйынса эштәр тамамлана

6 июндә «ВДНХ-Экспо» күргәҙмәләр комплексында Башҡортостан Башлығы Рөстәм Хәмитов «Рәсәй – минең тарихым» мультимедиалы тарихи паркты ойоштороу буйынса эштәр барышы менән танышты.

Мәҙәниәт

Өфөнөң «Мираҫ» ансамбле «Урал-Көнсығыш: мәҙәниәттәр төрлөлөгө» халыҡ-ара фестиваленә саҡырылған

Өфөнөң «Мираҫ» йыр һәм бейеү фольклор ансамбле Силәбегә «Урал-Көнсығыш: мәҙәниәттәр төрлөлөгө» халыҡ-ара милли мәҙәниәттәр фестиваленә саҡырылған. Фестиваль 12 июндә, Рәсәй көнөндә, Силәбелә 2020 йылда ШОС һәм БРИКС саммиттарын уҙғарыуға әҙерлек барышында үтә.

Мәҙәниәт

Башҡортостан юлдаш телевидениеһы тамашасыларына Шүлгәнташ мәмерйәһе тураһында яңы фильм күрһәтәсәк

Башҡортостан юлдаш телевидениеһы тамашасыларын «Шүлгәнташ мәмерйәһе — сәнғәт сәңгелдәге» ғилми-популяр фильмының премьераһы көтә. Телевидениела фильмды 18 июндә киске 11-се яртыла күрһәтәләр, «Родина» кинотеатрында ябыҡ күрһәтеү 8 июндә була.

Мәҙәниәт

Женевалағы һабантуйҙа Башҡортостан Республикаһы исеменән йырсы Гөлнур Ҡарабулатова сығыш яһаны

Швейцария һәм Европа башҡорттары һәм татарҙары Женевала һабантуй байрамына йыйылды. Ҡунаҡтарға бай концерт программаһы тәҡдим ителде. Башҡортостан исеменән йырсы Гөлнур Ҡарабулатова сығыш яһаны.

Мәҙәниәт

Өфөлә «Евразия йөрәге» фестиваленең асыҡ һауалығы сараһында Асҡар Абдразаҡов сығыш яһаясаҡ

Өфөлә «Евразия йөрәге» сәнғәттәр фестиваленең асыҡ һауалығы сараһында Асҡар Абдразаҡов сығыш яһаясаҡ. Солистар ҡатнашлығындағы симфоник концерт Өфө амфитеатрында 13 июндә үтә.

Мәҙәниәт

Өфө ҡыҙы Айгөл Әхмәтшина Мексикала Халыҡ-ара опера йырсылары конкурсында еңеүсе булды

Өфөнән опера йырсыһы Айгөл Әхмәтшина Мексикала уҙған абруйлы Франциско Арайса халыҡ-ара опера йырсылары конкурсында өсөнсө урын яуланы. 21 йәшлек Айгөл конкурста йәнә иң йәш ҡатнашыусы булды.

Мәҙәниәт

Өфөлә 100 ҡурайсы флешмобы үткәрелә

Өфөлә асыҡ һауала 100 ҡурайсы флешмобы үткәрелә. Сара Башҡортостандың 100 йыллығы алдынан Салауат Юлаев майҙанында ойошторола. «Бәйләнештә»ге төркөмдә хәбәр ителеүенсә, 7 июндә 100 музыкант бер үк ваҡытта башҡорт халыҡ көйө «Урал»ды уйнай.

Мәҙәниәт

Төбәктә IV «Толпар» асыҡ балалар-үҫмерҙәр һәм йәштәр теле-кинофестивале ойошторола

Ейәнсура районының Иҫәнғол ауылында IV «Толпар» асыҡ балалар-үҫмерҙәр һәм йәштәр теле-кинофестивален үткәреү күҙаллана. Ул Рәсәйҙә Экология йылына һәм Башҡортостанда экология һәм махсус һаҡланған тәбиғәт биләмәләре йылына арнала.

Мәҙәниәт

Республикала «Ал сәскә» беренсе телевизион конкурсы Гран-прийын Өфөнән йәш саксофонсы яуланы

Башҡортостанда «Ал сәскә» беренсе һәләтле балалар телевизион конкурсы Гран-прийын Өфөнән йәш саксофонсы, Ғ.Әлмөхәмәтов исемендәге Республика гимназия-интернаты тәрбиәләнеүсеһе Рафаэль Петров яуланы.

Мәҙәниәт

Өфөлә Рудольф Нуриев исемендәге ХХI Халыҡ-ара балет сәнғәте фестивале тамамланды

Өфөлә Рудольф Нуриев исемендәге ХХI Халыҡ-ара балет сәнғәте фестивале тамамланды. Рәсәй һәм сит ил сәхнә йондоҙҙары ҡатнашлығындағы традицион гала-концерт байрамдың төп ваҡиғаһына әйләнде.

Мәҙәниәт

Халыҡ-ара балаларҙы яҡлау көнөндә Өфөлә «Ҡәҙерле әсәйем!» исемле сара үтте

Халыҡ-ара балаларҙы яҡлау көнөндә Өфөлә «Ҡәҙерле әсәйем!» исемле сара уҙҙы. Ҡунаҡһарай сәхнәһендә төрлө йәштәге һәм һөнәр эйәһе булған ҡатын-ҡыҙҙар мода күрһәтте. Йыйылыусыларҙы Башҡортостандың Дәүләт Йыйылышы рәйесе урынбаҫары, танылған шағирә Йомабикә Ильясова һәм «Башҡортостан ҡыҙы» журналының баш мөхәррире, шағирә Гөлназ Ҡотоева тәбрикләне.

Мәҙәниәт

Башҡортостанда иҫке сауҙагәр йортонда хостел асыла

Тиҙҙән Башҡортостанда тәүге кооператив асыла. Уның ағзалары — һөнәрселәр һәм Бөрө тарихы музейы. Ошо хаҡта Бөрө хакимиәтендә һөйләнеләр. «Ҡалабыҙҙа һөнәрселәр, ижади һәм вайымһыҙ булмаған кешеләр байтаҡ.

Мәҙәниәт

Башҡортостандың Милли симфоник оркестры коллективын яңы художество етәксеһе менән таныштырҙылар

1 июндә республиканың мәҙәниәт министры урынбаҫары Шамил Абдраҡов Милли симфоник оркестр коллективын яңы художество етәксеһе менән таныштырҙы. Ул – коллективта 2015 йылдан эшләүсе оркестрҙың баш дирижеры Раушан Яҡупов.

Мәҙәниәт

Рөстәм Хәмитов: «Фольклориаданы Өфөлә уҙғарыу тураһындағы ҡарар Башҡортостандың милләт-ара берҙәмлек үҫешенә индергән өлөшөн баһалау ул»

Рәсәй Федерацияһы Президенты Владимир Путин «VI Бөтә донъя фольклориадаһын уҙғарыу тураһында»ғы указға ҡул ҡуйҙы. Документта Халыҡ-ара фольклор фестивалдәр һәм традицион сәнғәт ойошмалары советының ҡарарына ярашлы Рәсәй Федерацияһының 2020 йылда VI Бөтә донъя фольклориадаһын уҙғарыу хоҡуғына эйә булыуы билдәләнә.

Мәҙәниәт

Өфөлә Михаил Нестеровтың тыуыуына 155 йыл тулыуҙы билдәләйҙәр

31 майҙа Өфөлә билдәле рус рәссамы, һынлы сәнғәт академигы, РСФСР-ҙың атҡаҙанған сәнғәт эшмәкәре Михаил Нестеровтың тыуыуына 155 йыл тулыуҙы билдәләнеләр. Рәссамдың исемен йөрөткән Башҡорт художество музейында уның эштәренең киңәйтелгән юбилей күргәҙмәһе асылды.

Мәҙәниәт
Яндекс цитирования
Рейтинг ресурсов "УралWeb" -->
закрыть